एजेन्सी–कार्तिक । इराकी विशेष सुरक्षा फौज विद्रोही संगठन इस्लामिक स्टेट आइएसको पकड मानिने मोशुल शहरमा प्रवेश गरेको छ । इराकी सेना दुई वर्षको अवधिमा पहिलो पटक मोसुलमा प्रवेश गरेको हो ।
सन् २०१४ को जुन महिनादेखि आइएसको नियन्त्रणमा रहेको सरकारी टेलिभिजनको भवनलाई इराकी विशेष फौजले आफ्नो नियन्त्रणमा ल्याएको छ । इराकका प्रधानमन्त्री हैदर अल अबादीले मोसुल शहरभित्र आइएसका ३ देखि ५ हजार विद्रोही लडाकुहरु हुनसक्ने भन्दै विशेष अभियान चलाउन आफ्नो फैजलाई निर्देशन दिनुभएको छ । बलियो पकड रहेको मोशुल शहरबाट आइएसलाई हटाउन दुईसाता यता देखि इराकको सुरक्षा फौज, कुर्द लडाकुहरु, सिया मिलिसिया गरी पाँच हजार लडाकुहरु परिचालित गरिएका छन् ।
मोशुल शहरलाई आइएसको कब्जाबाट मुक्त गर्न दुई सातायता हमला र भीडन्त भैरहेको अन्तर्राष्ट्रि सञ्चार माध्यमले जनाएका छन । इराकी सेनामाथि आइएसका लडाकुले रकेट, तोप, बन्दुक तथा मेसिनगनबाट आक्रमण गरिरहेका छन् भने सेनाले जवाफी कारबाही जारी राखेको छ ।
