शुभको शुभयात्रा विश्व साइकल अभियान र पूर्णताका लागि सहयोगको अपेक्षा काठमाडौं । पूर्व फुटबल खेलाडी मात्र नभई कुनै पनि बेला काठमाडौंका नजप्रतिनिधि समेत भएका शुभप्रसाद प्रसाद शर्माको अभियान अहिले थाइलाण्ड हुँदै मलेसियातिर मोडिएको छ । आजको समयमा विश्वकै मूल समस्या बनिरहेको जलवायु परिवर्तन र यसबाट परिरहेका असरहरूलाई केही हदसम्म भएपनि न्यूनिकरणका लागि जनचेतना फैलाउने उदेश्य लिएर हिडेका शुभले नेपालबाट भारत, बङ्गलादेश, थाइलाण्डको यात्रा पूरा गर्दै मलेसियाको यात्रा तय गरिहेका छन् । शुभले भारत र बंगलादेशमा विभिन्न संघ संस्थालाई आफ्नो अभियानसँग जोडेर बृक्षारोपण गरेका थिए । त्यस्तै, स्कुले बालबालिकालाई जलबायु परिवर्तन र यसले जीवमा पारेको असर बारे बुझाइरहेका छन् । जलबायु परिवर्तनकै कारण विश्वमा देखापरिरहेका विभिन्न समस्याप्रति चिन्तित शुभले मलेसियाहुँदै थप १५ देशको यात्रा समेत तय गरिसकेका छन् । जीवनमा केही न केही गनुपर्छ भन्ने प्रेरणा लिएर अघि बढेका शुभलाई यतिबेला सबैको साथ सहयोगको भने खाँचो छ । उनि भन्छन्, ‘‘साथी भाइको सल्लाह र हौसला र सहयोगमा मैले आफ्नो उमेरको प्रवाह नगरी यात्रा तय गरेको हो, अहिलेसम्म सबै ठीकै छ, तर भाबि दिनमा यात्राका लागि आवश्यक आर्थिक पक्ष सन्तुलन गर्न केही समस्या ह्ुने भन्ने लागेको छ ।’’ उनी थप्छन्, ‘‘यात्रा त शुरू भइ नै सक्यो अब एउटा विन्दुमा नपुगी रोकिदैन, साथी भाइ सहित जीवन र जगतको भलाई चाहने जो कोहीले शुभयात्रा विश्व साइकल अभियानलाई सहयोग गरे केही राहात मिल्ने थियो’’ । बैशाख १ गते यात्रा आरम्भ गरेका शुभले हरेक देशमा वृक्षारोपण गर्ने र विद्यालयका विद्यार्थर्ीलाई जलबायु परिवर्तन यसका प्रभाव बारे क्लास लिने योजजा थप सशक्त बनाएर लैजाने तयारी समेत गरेका छन् । मानव विकासका नाममा प्रकृतिलाई चूनौती दिएर गरिएका कार्यले मानव जीवनलाई खतरा बन्ने परिस्थिति सृजना भएको भन्दै विकास र प्रकृतिको बीचको सन्तुलन बारे हरेक मानिसलाई ज्ञान हुनुपर्ने उनको बुझाइ छ । मानवीय भलाईका लागि गरिएका सकरात्मक कार्यक्रमा शुभले यात्रा अवधिका लागि वाताबरण सम्बद्ध संघ संस्थासँग पनि आर्थिक र प्राविधिक सहयोग अपेक्षा गरेका छन् । Published On: २२ श्रावण २०७९, आईतवार २१:४३
