काठमाडौं । युनाइटेड अरब इमिरेट्सलाई ९ रनले पराजित गर्दै नेपाल विश्वकप छनोटमा पुगेको छ । त्रि.वि. क्रिकेट मैदानमा आज भएको खेलमा नेपालले यूएईलाई पराजित गर्दै आइसीसी विश्व क्रिकेट लिगको तेस्रो स्थानमा उक्लिदै विश्वकपको क्यालिफारमा पुगेको हो ।
टस जितेर पहिले ब्याटिङ गरेको यूएईले निर्धारित ५० ओभरमा ६ विकेट गुमाएर ३ सय १० रन बनाएको थियो । जवाफी ब्याटिङमा नेपालले ४४ ओभरमा ६ विकेटको क्षतिमा २ सय ६९ बनायो । खेल मैदान अध्यारो बढेपछि खेललाई रोकेर डिएल विधिमा लगिएको थियो । जसमा नेपालले ९ रनले जीत हासिल गरेको हो ।
