पोखरा- पोखरा सिटि टुर गाइड एसोसिएसनको अध्यक्षमा दिनेश गौतम सर्वसम्मतले चयन भएका छन् ।
शनिबार लेकसाइड स्थित नारेश्वरस्थित होटल पब्लिक च्वाइसको सभाहलमा एसोसिएसनको तेस्रो बार्षिक साधारणसभा तथा दोस्रो अधिवेशन सम्पन्न भएको थियो ।
नव निर्वाचित गौतमको अध्यक्षतामा ११ सदस्यीय नयाँ कार्य समिति चयन गरिएको छ । दोस्रो अधिवेशनबाट प्रथम उपाध्यक्ष निर्मला सुवेदी, द्वितीय उपाध्यक्षमा आनन्द गुरुङ चयन गरिएको छ । त्यस्तै, सचिवमा सरस्वती थापा ”सासा”, कोषाध्यक्षमा बुद्धिसागर देवकोटा ”रमित”, र सहसचिवमा खमान सिंह गुरुङ ”रेशम ” सर्वसम्मत चयन भएका छन् ।
यस्तै सदस्यमा झपेन्द्र बहादुर भुजेल, तुलसी अधिकारी, पुष्पराज पौडेल र प्रेम प्रसाद सुवेदी रहेका छन् । भने निवर्तमान अध्यक्ष कृष्ण भारती पदेन कार्यसमिति सदस्य भएको छ।
नवनिर्वाचित अध्यक्ष दिनेश गौतमले आगामी दिनमा संस्थाको दायरा र क्षेत्र फराकिलो हुने गरि संस्थाको नाम ” गाइड एसोसिएसन अफ पोखरा ” हुने गरि नाम परिवर्तन हुने बताए ।
