काठमाडौं । विश्वकपको शुरूवाती चरणमै अर्जेन्टिनाले साउदी अरेबियासँग पराजय भोगेको छ । उपाधिकै दाबेदारका रूपमा हेरिएको अर्जेन्टिना साउदीसँग स्तब्ध भएपछि समर्थकहरूमा समेत निरासा छाएको छ । कप्तान लियोनल मेसीले पेनाल्टीमार्फत सुरूमै दिलाएको अग्रता बचाउन 
नसक्दा अर्जेन्टिना २–१ ले पराजित भएको हो । खेलको पहिलो हाफमा अर्जेन्टिना हावी भएपनि दोस्रो हाफमा उसले आफ्नो लय काम राख्न सकेन ।
दोस्रो हाफको पहिलो १५ मिनेटमा साउदीले आक्रामक खेल मात्र गरेन सलेह अलसहरीले बल नियन्त्रणमा लिदै अगाडि बढाएर ४८ औं मिनेटमा उत्कृष्ट गोल गर्दै साउदीलाई बराबरीमा पुर्याए ।
सलेम अलडवसरीले ५३ औं मिनेटमा गोल गर्दै साउदीलाई २–१ ले अगाडि बढाए र यो नै अन्तिम नतिजाका रूपमा कायम रह्यो ।
