काठमाडौं । जारी विश्वकप फुटबलमा अर्जेन्टिनाले पहिलो जित हासिल गरको छ । गएराति भएको खेलमा अर्जेन्टिनाले मेक्सिकोलाई २–० गोल अन्तरले पराजित गर्दै विश्वकपमा आफ्नो जित दर्ता गरेको हो ।
लियोनल मेसी र एन्जो फर्नान्डेजले दोस्रो हाफमा गोल गरेपछि अर्जेन्टिनाले नकआउट चरण प्रवेशको सम्भावनालाई जिवितै राखेको हो ।
मेसीले खेलको ६४ औं मिनेटमा गोल गर्दै अर्जेन्टिनालाई अग्रता दिलाएका थिए भने एन्जोले ८७ औं मिनेटमा अग्रता दोब्बर बनाउँदै अर्जेन्टिनाको जितलाई सुनिश्चित गरेका थिए ।
